Rebecca Latimer Felton
  | |
| Nome orixinal | (en) Rebecca Ann Latimer |
|---|---|
| Biografía | |
| Nacemento | 10 de xuño de 1835 Decatur, Estados Unidos de América |
| Morte | 24 de xaneiro de 1930 (94 anos) Atlanta, Estados Unidos de América |
| Lugar de sepultura | Xeorxia |
 Senadora dos Estados Unidos | |
| 3 de outubro de 1922 – 22 de novembro de 1922 ← Thomas E. Watson (pt)  – Walter F. George (pt) → Lexislatura: 67th United States Congress (en) Circunscrición electoral: Georgia Class 3 senate seat (en) Nomeado por: Thomas W. Hardwick (pt) | |
| Actividade | |
| Lugar de traballo | Washington, D.C. |
| Ocupación | política, escritora, sufraxista |
| Partido político | Partido Demócrata |
| Familia | |
| Cónxuxe | William Harrell Felton |
| Premios | |
| Descrito pola fonte | A Woman of the Century (en) , (sec:Rebecca Latimer Felton) American Women Writers (en) |
  | |
Rebecca Ann Latimer Felton, nada en Decatur, condado de DeKalb (Xeorxia) o 10 de xuño de 1835 e finada o 24 de xaneiro de 1930, foi unha escritora, profesora, reformista estadounidense, e durante pouco tempo, unha política que se converteu na primeira muller en ser membro do Senado dos Estados Unidos, nomeada o 21 de novembro de 1922, e ocupando o cargo ata o día seguinte. Aos 87 anos de idade, foi tamén a senadora novata máis vella en acceder ao Senado. Ata o 2010, segue sendo a única muller que serviu como senadora de Xeorxia.[1]
Traxectoria
[editar | editar a fonte]Felton asistiu a escolas públicas e graduouse en 1852 na Universidade (College) Feminina Madison. Trasladouse ao condado de Bartow, Xeorxia en 1854 onde deu clases nunha escola.
Foi unha escritora, lectora e reformista cun interese especial pola agricultura, o dereito ao voto das mulleres, a liga contra o alcol e a segregación racial, da que era unha firme partidaria[2].
O marido de Felton, William Harrel Felton, foi un ministro Metodista cun interese similar pola agricultura. Serviu como secretaria ao seu marido cando foi elixido como Demócrata Independente para a Cámara de Representantes dos Estados Unidos, desempeñando o cargo desde 1884 ata 1890, e como fideicomisario da Universidade de Xeorxia desde 1886 ata 1892. Morreu o 24 de setembro de 1909 aos 86 anos, cando Rebecca Felton tiña 64.
Senadora
[editar | editar a fonte]En 1922, o gobernador Thomas W. Hardwick foi un candidato para a seguinte elección xeral ao Senado, cando o Senador Thomas E. Watson morreu prematuramente. Buscaba designar a unha persoa que non fose un competidor nas próximas eleccións especiais para cubrir o posto vacante, e un xeito de asegurarse o novo voto feminino descontento pola súa oposición á décimo novena emenda, Hardwick elixiu a Felton para servir como Senadora o 3 de outubro de 1922.
O Congreso non contaba reunirse de novo ata logo da elección, por iso había poucas posibilidades de que Felton puidese ser nomeada formalmente como Senadora. Con todo Walter F. George gañou a elección especial a pesar da estrataxema de Hardwick. No canto de tomar posesión do seu escano inmediatamente, cando o Senado convocouse de novo o 21 de novembro de 1922, George permitiu a Felton ser oficialmente investida no cargo. Felton converteuse así na primeira muller en ocupar un escano no Senado, e serviu ata que George deixou o cargo o 22 de novembro de 1922, un día despois.
Últimos anos
[editar | editar a fonte]Felton foi contratada como escritora e conferenciante e residiu en Cartersville, Xeorxia, ata a súa morte en Atlanta, Xeorxia. Foi enterrada no cemiterio Oak Hill en Cartersville.
Citas
[editar | editar a fonte]"Cando as mulleres do país entran e sentan con vostede, aínda que sexan moi poucas nos próximos poucos anos, prométolle que vostede conseguirá a capacidade, vostede conseguirá a integridade do obxectivo, vostede conseguirá patriotismo exaltado, e vostede conseguirá utilidade incansable." -- Discurso no Senado, 21 de novembro de 1922."
- "Cando non hai bastante relixión no púlpito para organizar unha cruzada contra o pecado; nin xustiza no palacio de xustiza para castigar rapidamente o delito; nin a hombría suficiente na nación para pór un brazo protector sobre inocencia e virtude----se é necesario linchar para protexer a posesión máis querida da muller das negras bestas humanas----Entón eu digo lincha, mil veces por semana se é necesario." 11 de agosto de 1897.
Notas
[editar | editar a fonte]- ↑ Listaxe de Senadores por Xeorxia no Senado dos EUA.
- ↑ "Biografía de Rebecca Latimer Felton en la New Georgia Encyclopedia". Arquivado dende o orixinal o 08 de abril de 2013. Consultado o 07 de novembro de 2007.
Véxase tamén
[editar | editar a fonte]Ligazóns externas
[editar | editar a fonte]- First woman senator appointed. Consultado o 5 de outubro de 2007.
- "1898 Wilmington Race Riot". 1898 Wilmington: Debunking the Myths. Arquivado dende o orixinal o 01 de xaneiro de 2013. Consultado o 07 de novembro de 2007. (en inglés)
- Felton's memoirs online
- Uncorrected transcript of interview Richard Baker, Historiador do Senado, en C-SPAN programa de televisión de Q&A, 12 de xuño de 2005
